I chem yei chyieñ bru wa da suba da yap da boon snem ha iwi i yung wym em de wa sah ha Nampally, Hyderabad, da pynkhyrngiat i ya kiwa chong chnong neibhah kani ka yung toh kawa kawa da khang da palat 7 snem kawa em hajan ka Nampally Bazar.
Yeini i chyieñ bru da chem da uwi u bru ynnin uwa da psiah cha kani ka yung yow lai thooh ya ka bol Cricket kawa haap chapoh kani ka yung heiwa da riñ Video u leh iwa da poor bha ha Facebook ynnin ka sngi.
Ha ini i Video da yoo yei em ini i chyieñ bru hajan ki kchu wa boon iwa ye leh u man ka kamra chet ja.
Yei chyieñ da wan wow takit wei da kit noh ki da ki pulit wei neiliang ki bru wa em cha jan kani ka yung da ong ki wa dang mut ki wa u tre yung da lai sah u cha baar ri wei ym em de kiwa sah la 7 snem.
Hadien wa takit ki pulit ynne da pyntip ki wa ini i yung toh i yong u Muneer Khan wei em u 10 ngut ki khon heiwa u khon wa le u, uwa tip kam u Ameer Khan da sah u ha ini i yung katwa kiwon won da mih yung ki.
Napoh kani ka yung da chem ya ka Nokia Mobile Phone wa ki poisa wa da chah pyndam (Demonetised). Ki pulit da pyntip ki wa na kani ka Phone hadien wa ye u wai ka deiwa thap da i Battery thymme wei hadien wa pynchna ka, da chem wa em 84 tylli ki Missed Call ha u snem 2015.
Ki pulit da antaad ki wa uni u Ameer Khan ye u wow man kamwa 50 snem i rta, ye u wow man leh u wym em biang i bor pyrkhat pyrdaiñ wei da ong leh wa ye u man wa yap hi u khlem da em wa emkti neidaw wym em chem ya iwon iwon i dak wa pynyoo wa chah pynyap.
Da antaad leh wa ye u man da yap u la 10 snem wei ym em ki payu para næ kiwa tipmit oo kiwa wan wow pait yei long i man u.
U diah uni u bru uwa tip kam u Shadab uwa jooh lai chim bai wai na ki dukan wa em chajan da wan u wow pyntikna wa toh u Ameer da ka sahkti wa chem deilang ka patlun wa dang neh hei chyieñ.
Discussion about this post