I pasi ya ka Nurse kawa na Kerala kawa tip kam ka Nimisha Priya hapoh ka ri Yemen iwa da booh wow leh ha ka 16 tarik uni u bnai, da pynsangeh chwa tangwa ym em mut wa da pyndam.
Ka Nimisha toh kawa da em 36 snem i rta wei da chah rai pynrem ko hadien wa pynyap ko ha u snem 2017 ya u bru wa krehlang ko uwa tip kam u Talal Abdo Mahdi.
Ha kini ki sngi wa dep neiliang kiwa ha-yung ko kamjooh ka sorkar India da yaleh ko wow pynsangeh wei wow pynlait ka.
Ka Nimisha u ye ko wow lait lada maap kiwa ha-yung ha-sem uwa chah pynyap wei katkam ka aiñ Islam wa tip kam ka Sharia wa krehkaam ha Yemen, ye ko wow paan maap deiwa su ya ka poisa kam chibynta ka Diyah (Blood Money) heiwa da pyntip wa da ye wow pynmih hadooh $1 Million da kiwa ha-yung ha-sem ka Nimisha heiwa da em ka seiñ wa tip kam ka Save Nimisha Priya International Action Council wa da leh yeini.
Da paan yarap leh na uwi u heh ki Sunni Muslim uwa tip kam u Kanthapuram AP Aboobacker Musliyar, uwa ksoh yei kyrdan Grand Mufti of India yow yaklam u wa kiwa ha-yung uwa chah pynyap yow bien ki wow pdiang ya kani ka poisa kam chibynta wow maap ya ka Nimisha.
Discussion about this post