Chah ieh u manpa wa 80 snem hapoh kari ha ki khon ki kti wa lai pait Taj Mahal

Ha iwi i jia wa phylla, kawi ka manyung kawa na Mumbai kawa lai cha Agra, Uttar Pradesh wow pait ya ka Taj Mahal da kset ki ya u pa ki hapoh kari hapyrdi i chit wa 30 Degrees Celsius ynnin ka sngi.

Kani ka manyung da ieh ki ya uni u bru wa 80 snem i rta uwa kjut yap chiliang hapoh kari deiwa khang ya ki yit kari.

ADVERTISEMENT

Ya uni u bru da tip kam u Hariom Tandale, wei da chem chitom u wow riñ mynsien iwa pynman ya oo wow syuiñ khlieh neibhah da ieh ya ka kari hapoh ka sngi iwa da pynbor ya ki paidbah wow yarap ya oo.

Ki paidbah da hap tympiah ki ya ka yit wei da chem wa da chah kdoh u hapoh ka kari deiwa pynthiah ya ka Seat.

Related posts

Sepai i wan u Sniawbhalang wa hadooh katni ym pu yoh u thung kba, ong kiwa chong chnong ka Lapangap

July 18, 2025

U paan biang ya ka Block-I wa Block-II na ka Assam yow em biang ki chapoh Meghalaya: Prestone

July 18, 2025

Neidaw wa chitom u, ki paidbah da hap sai ki oo napoh kani ka kari.

Neiliang u Deputy Commissioner of Police (DCP), u Sonam Kumar da ong u wa u Siddheshwar Tandale, uwa na Mumbai da wan pait u ya ka Taj Mahal chirup wa ki khon ki kti deiwa ieh ya u pa u, u Hariom Tandale hapoh kari.

Hadien wa yoo yeini ki paidbah da Phone Ambulance ki wow kit ya oo cha thaw sumaar.

Neiliang ki pulit da pyntip ki wa ympu em u Register ya kawon kawon ka FIR hajrong ini.