Da ki Dustbin lai e yarap ka FKJGP cha ka chnong Lakadong Ummat

Ka seiñ Federation of Khasi Jaiñtia & Garo People (FKJGP) East Jaiñtia Hills District hapoh i yahkhmat u President, u Deihok Sumer hei ya synranlang u Welking Swer, u Vice President, u Andiwor Pala, Organising Secretary, u Ienglang Siangshai, Assistant Sports Secretary wa u Mathew Pajat, President FKJGP SEBA Circle da hiar ki cha ka chnong Lakadong Ummat wow saam ya ki Dustbin lyngba ka FKJGP Lakadong Ummat Unit hapoh i pynlai u President katai ka Unit, u Leki Hynthong wa u General Secretary, u Kynmo Patwad.

Ka seiñ da ong ko hawa yoh wow lehkmen ya ka sngi World Environment Day yong uni u snem ha Dkhiah East Secondary School lyngba ki yalang waphær waphær hajrong ka phang “Ending Plastic Pollution Globally”da em itæ i sñiawkhia wa kammon u leh yow lait u em itæ i noh Plastic kulmar kat chawa yoh neibhah ini da pynjakhlia ko ya ka bei ramaw.

Kamtæ ka seiñ da chim ko da kani ka laad wow lai cha ki chnong wa em chnat krehkaam ka FKJGP wow leh kamwa da angnood wei da lai saam ya kini ki Dustbin ynnin ka sngi hadien wa em ka yalang wa btian ha Dorbar Hall yong ka chnong wei ya kini ki Dustbin da saam cha ki 4 tylli ki skur wa em ha kani ka chnong hei ya emlang wa kiwa sikai wei ya kawi won ka Dustbin da booh ha Dorbar Hall yong ka chnong.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Neiliang ka seiñ da kyntu ko ya kiwa yahkhmat chnong wow pynemkaam hok ya ini wa da e yarap wa khian ka seiñ.