Ka seiñ Jaiñtia Youth Federation-EJH lyngba ka kyrwoh na u Secretary, u Becareful Chyrmang (JYF-EJH) da e khublei Behdieñkhlam 2025 wa suk wa kmen ko ya ka Seiñ Raij Tuber wa ya waroh kiwa chong wa sah ha kylleiñ ki thaw yong ka Bri u Ynñiawtrep Ynñiawskum wa e wa kani ka lehñiam Behdieñkhlam u man ko kawa phooh wa phieñ wa kawa jop.
Ka seiñ JYF hi waroh kawi da kitbok kitrwiang ko cha warohlang ki khon ki hajar yong ka Seiñ Raij Tuber, wa lyngba ini i lehkmen, lehburom ya kani ka Behdieñkhlam wa daw yoh chiboon i kyrkhu kyrdoh na u Trekirot Kynrad khnang wow yoh yei chait i tram, i manbha manmiat ha i khih i khan, ka puræ puthi, ka chongsuk chongsaaiñ ha ka imlang sahlang waroh kawi.
Discussion about this post