Ka yung krehkaam yong ka District Mission Coordinator, SSA West Jaiñtia Hills ha ka 24 tarik uni u bnai da pynman ko da ka yalang e kti ya ki muhjor jop namo ki Trophy cha ki skur wa jop hei chimbynta ha ka World No Tobacco Day Programme 2025 kiwa kynthup ya ka Signature Campaign wa ka Tobacco Rally.
Kam wa pynkynmoo ya kani ka Tobacco Rally & Signature Campaign da pynman ha waroh kawi ka ri India kam chibynta yong ka World No Tobacco Day 2025 kawa da chimbynta chongchit da ki khynnah skur yong ki kyrdan puræ nadooh Primary hadooh Higher Secondary Schooll ha kylleiñ ki District, ki Block yong ka ri India.
Ha West Jaintia Hills District ki skur kiwa da pynbna kam kiwa jop yong ka District Level WNTD 2025 toh ka Mynkrem Govt. LPS, ka Sohkha Shnong Govt. LPS wa ka Modern LPS SSA, Ialong neibynta ka Lower Primary Category.
Ka Unitarian UPS, Nongtalang, ka Tome Memorial UPS, Mooralong, Jowai wa ka Khihlang UPS SSA, Laskein Block neibynta ka Upper Primary Category.
Ka Shkentalang Secondary School, Amlarem Block, ka Panaliar Secondary School, Jowai wa ka Mukhap Secondary School, Laskein Block neibynta ka Secondary Level katwa ka Syiem Jingsuk Higher Secondary School, Amlarem, ka Sawlyngdoh Higher Secondary School, Mowakaiaw wa ka Amwi Higher Secondary School, Jowai daman ki kiwa jop yong ka Higher Secondary Level.
Sñiawsuk leh u khana wa ka West Jaiñtia Hills District da man ko kawi na ki District wa em boon ki skur wa ya chimbynta najrong ka Ri-Bhoi District wa ka East Khasi Hills District katwa ka Amlarem Block won da man ko kawi na ki Block hapoh ka jylla wa em boon ki skur wa ya chimbynta najrong ka Umling Block, Pynursla Block, Mawlai Block, Mawryngkhneg Block wa ka Jirang Block katwa napyrdi won ki 42 tylli ki Cluster hapoh ka jylla, ka Ammutong Cluster wa ka Phramer Cluster yong ka West Jaiñtia Hills da man ki ki Cluster kiwa yoh ya ka 100% Achievement.
Ka M. Lakiang, District Mission Coordinator, SSA West Jaiñtia Hills ha ka thong yong ka ka WNTD Rally & Signature Campaign 2025, e ko i sñiawngooh wa khroo ya waroh ki khynnah skur, kiwa sikai kiwa da embynta hei wow pynman ya kani ka thong kawa jop hapoh ka District.
Chooh chooh ha ka thong won yong ka Tobacco Free Educational Institution Activity (TOFEI) kyrsu kyntu ko ya ki skur waroh wow ya chimbynta wei wow pyndep ya ki kaam waphær khnang wa ka District ha uni u snem u man ko kawi na ki District wa yoh ya ka 100% Achievement.
Discussion about this post