Chah kem uwa pynkrehkaam ya ka Embassy ha India yong ka ri wym em wa tipmit

Uwi u bru da chah kem u ha ki pulit deiwa pynkrehkaam ya ka Embassy thok wa em ha Ghaziabad, UP hei pyrtuid ka ri wa tip kam ka Westarctica ka wym em da tipmit kam ka ri.

Uni u bru wa tip kam u Harsh Vardhan Jain da kam u wa oo toh u ‘Baron’ kani ka ri heiwa hakhmat kani ka Embassy da pynyieñ ki kari syad dor kiwa em leh ki Number Plate ki Diplomat kiwa da chna thok, da em u leh ki Passport wa chna thok wei da booh u leh ki dur wa emlang u wa ki heh ki ri kiwa dei chna thok hi.

Ki pulit da takit ki ya uni u bru hadien wa da suba wa da pynemkaam u ya kani ka Embassy yow kular e kreh ya ki bru cha baar ri wei man u leh kam u bru wa pynlai poisa ya ki Company wa em du i pyrtuid donhi.

Ki pulit da kem ki leh ya kini ki kari deilang ki kot ki sla uni u bru wa kynthup ya 12 tylli ki Diplomatic Passport yong kiwi ki ri khian (Micro Nations), da kem leh ki Letter Head wa kam toh ka External Affairs Ministry, ki Stamp ki 34 tylli ki ri, ka poisa wa Rs. 44 lak, ka poisa kiwi ki ri wa 18 tylli ki Diplomatic Number Plate.

Related posts

Najrong wym pu ye u pynbait yei kit Coke sa ki karkhana Cement wym e Trip ya ka seiñ kiwa yah Truck ka Jaiñtia Hills

July 26, 2025

Deiwa yoh Rs. 1 klur na ka CM Elevate da chna ya ka True North Swimming Academy

July 26, 2025

Kani ka Westarctica toh kawa da seiñ da u Travis McHenry uwa man kam u US Navy Officer ha u snem 2001 heiwa da kam u ya idæ kam u Grand Duke kani ka ri kawa em ha Antartica wei heh ko 620,000 square miles. U McHenry da chim kabu u ya ka Antartic Treaty System kawa da ong wym chah ya kawon kawon ka ri wow lai kaam ya ka Antartica tangwa neidaw wym em thoh wym chah u lai kam ki bru samen, da lai u wow kam ya kani ka thaw kam ka ri yong oo tangwa ym em bru wa sah heini hanla ha ki kot ki sla da ong wa em 2,356 ngut kiwa chong chnong.

Kani ka Westartica da em ko leh ka yong ka hi ka lama, ka poisa wei da e kyrdan ko leh ya kiwi ki bru tangwa ym em ki ri wa tipmit ki.

Katkam wa kam ka Westarctica ha ki Social Media, kani ka Embassy wa em ha India toh kawa da krehkaam nadooh u snem 2017 wei u Harsh Vardhan Jain toh u Baron ko wei mihkhmat u ya ka Westarctica hapoh India.

U Harsh deiwa pynemkaam da kini ki Passport wa em ha oo da lai u leh cha ki ri kam ka UAE, UK wa Italy heiwa heini da em leh kawi ka ri khian wa tip kam ka Seborga kawa ym em tipmit da ka Italy heiwa ha kani ka thaw da kam u wa oo toh u Ambassador.