Hadien wa da tieñ kiwa boon wa em ki Drone wa hær dei miet, chah kem kiwa emkti

Ki pulit ka Kakaroli Police Station, Muzaffarnagar, Uttar Pradesh da kem ki ya ki ar ngut kiwa pyntieñ ya ki bru hei miet deiwa pynemkaam da ki rapati.

Kini ki ar ngut wa tip kam u Shoaib wa Shakib, da pynemkaam ki da ki LED Light (rong soo wa rong yirngam) wa da kdoh ha ki kjat wa rdang ki rapati wei da pynhær ya ki dei miet khnang wow mut ki bru toh ki Drone wei wow tieñ ki.

Ha ki tayaaw wa dadep da mih ki khubor hamsaya ha kiwa boon ki District ka Uttar Pradesh wa em ki Drone wa che diñ wa hær hei miet iwa da pyntieñ ya ki paidbah.

Ynnin i miet ki pulit ka Kakarwali da pyntip cha ki wa em i diñ wa che hei miet wei manda booddien ki da chem wa ymtoh ki Drone tangwa ki rapati wa pyndait wa ki LED.

Related posts

Ha uni u bnai u yoh ka tulop ki Contractual Nurse: Wailadmiki

January 14, 2026

Da sdang ya ka Association kari kamai yow pynsuk ya kiwa lai Phramer-Saphai-Umrangso

January 14, 2026

Hadien ini hawa takit da kem ya u Shoaib wa u Shakib kiwa pynemkaam da ki rapati wow pyntieñ ya ki bru ka thaaiñ.

Kini ki ar ngut da phla ki wa da leh ki yeini wei ya kini ki LED da thied ki na Delhi.