Ha u tylle pasi suba pynkut uwi u bru yei mynsien ha ka yung wa em ha Mawblei

Ki pulit ynne ka sngi Thohdieñ da chimkti noh ki ya iwi i metyap u bru wa da suba wa sdien phasi u hapoh kawi ka yung wa em ha Mawblei, Shillong.

Katkam ka khubor wa da yoh, da pyntip wa i pyrtuid uni u bru toh u John Bosco Shadap (45 snem) uwa na Mowkyndeng, WJH wei chong kurim won u ha Mawmluh Sohra wei da wan u cha Shillong yow kreh mylla.

Da khana leh wa uni u bru da mih u na yung ka payu u wei da yoo khaddooh ya oo ha ka sngi wa ar kani ka tayaaw wei hadien itæ da suba wa sdien pasi u ha kawi ka yung wai wa sah u kawa em ha Mawblei kawa dang haap hapoh ka Madanrting Police Station.

Related posts

Da em kiwa suba wa wan noh ya ki tadong pynlang snaam ha rood ka wah Myntdu

May 1, 2026

Chem kawi ka manbei yei khonboo wa dang kha wa noh ha rood sarok ka East Jaiñtia

May 1, 2026

Da pyntip cha ka payu u da ka tre yung hadien wa da yoo ko wa dei khang bait i yung la ar-le sngi heiwa da wan ko cha kani ka thaw wei da chem ko wa da khlaad noh u.

Neiliang ki pulit da lai chimkti noh ki yei metyap yow pyndep yeiwa emkaam waroh wei wow pynman ya ka takit.