Ym jooh em ki MLA wa psiah cha ka NPP deiwa booh kyndon lait nei kwah donhi ya ka roi ka paar: Conrad

Ka seiñ National People’s Party (NPP) ynne da pdiang sñiawbha ko ya u MLA ka Mylliem, u Ronnie V Lyngdoh cha ka seiñ hadien wa da mih noh u na ka Congress.

Ha ka yalang pdiang sñiawbha wa da pynman ha pchem ka yung u National President ka Party uwa man leh u Montri Rangbah ka jylla, u Conrad K Sangma, da emlang leh kiwi kiwa yahkhmat ka NPP, kiwa kyrchaan deilang kiwa ha-yung ha-sem u Ronnie.

Neiliang u President ka National People’s Party (NPP) Meghalaya, u Prestone Tynsong da ong u wa nadooh u snem 2018 wa ka NPP da chimti ko wow synchaar, kiwa boon ki paidbah da ong ki wa kiwa yahkhmat ka NPP toh kiwa pliah bha (Specialist) wow pynbiej bru wei hadooh kattæ leh ini i pynbaad dang neh i deiwa ong leh wa najrong wa pynbiej da thied bru ki leh.

Tangwa da ong u wa ha ka synchaar paidbah ym em kam kattæ ka ktien wow thied tangwa em ka ktien wow chakri paidbah.

Hawa jubab ya kitu kiwa kylli katwon da thied ya u Ronnie yow psiah u cha ka NPP, da ong u wa u Ronnie da chah thied u ha ki kaam pynroi wei i psiah u cha ka NPP toh neidaw ka roi ka paar neibhah khlem ka roi ka paar da man ko kawa sepai.

U Conrad won da ong u wa waroh ki MLA kiwa psiah cha ka NPP ym em booh kyndon ki iyi iyi deiwa kwah ya ka chuki tangwa ki kyndon wa da booh ki toh yow wanrah ya ki kaam pynroi ha ki Constoituency yong ki.

Related posts

Sñiawkhia ka Supreme Court wym ye ka NHAI u khoom u kdoh ya ki Dhaba hadooh wa poi chei tyrrah kari

December 15, 2025

Chongchit ka lehkmen pynhaap pyrda dap 50 snem ka Govt. Girls’ HS School Jowai

December 15, 2025

Heijooh i por da ong u wa hanla da boon paaid ka NPP tangwa ymtoh won wow kheiñstiñ deiwa pynrap wa ka NPP pdiang ko ya waroh kiwa kwah wow psiah cha ka.

Hawa yatoh wa ka Ticket na Mylliem neibynta ka Election 2028, hapyrdi u Hamletson Dohling wa u Ronnie, u Conrad da ong u wa i por daw batai bniah ko neibhah waroh ar ngut man ki kiwa yahkhmat wa biang.