Pyntikna ki pulit wa i pdung ha Umpling toh neidaw ka tadong LPG wei kiwa mynsoo em ki le ngut

Ki pulit ka East Khasi Hills ynne da pyntikna ki wa i pdung hei miet ka 19 tarik toh neiwa pdung ka tadong LPG Cylinder.

Hawa pyntip yeini wa jia, u Superintendent of Police ka East Khasi Hills, u Vivek Syiem da ong u wa heipor 10:10 i miet, ki pulit ka Nongmensong Out Post da yoh Phone ki wa da em i pdung wa joor bha hajan ka thaw wa em ki BSF ha Umpling, wei ka takit da chem wa i pdung toh hei yung wa chong wai u Shubam Ch. Momin.

Da khana wa ha ini i pdung da em 3 ngut kiwa mynsoo, heiwa ar ngut da mynsoo joor bha ki wei kini toh u Shubam Ch. Momin heiwa i diñ da thang i yei dur khmat u wei da kit sumaar cha Guwahati, u Sandeep Kumar (30 snem) da mynsoo nei u diñ hi wei da chah sumaar ha NEIGRIHMS wa u Satyajit Paul (30 snem) uwa da mynsoo malu mala.

Related posts

I por daw poi i wa ka Them Ïewmawlong daw kylla ko kam ka Times Square: Prestone

December 5, 2025

Pynkhle biang ka Kur Dkhar EJH ya ka 2nd Prize ka Lucky Draw | Da saam leh ya ki Prize cha kiwa da jop chwa

December 5, 2025

U SP da khana u wa i yung da pra i ha i bynta wa chet wa ka kynroh kamra thiah u Shubam wa i kamra yong u Sandeep Kumar uwa man u BSF.

U SP da khana u wa ki Bomb Disposal Squad da lai pait ki ya kani ka thaw wa pdung wei da chem toh neidaw ka tadong LPG.