Ynne ka sngi ka seiñ Jaintia Students Union (JSU) seiñbei hapoh i yahkhmat u General Secretary, u Neilkee Mukhim wa u Vice President, u Ryngkat Shanbor Diengdoh da lai yachem ki wa u Deputy Commissioner ka West Jaiñtia Hills District heiyatoh wa i ya tyngkhooh tarik thoh Exam ka DSC wa ka MPSC ha ka 6 tarik u bnai September.
Ha katai ka tarik ka DSC da khut pynman Exam ko neibynta i kreh Gram Sevak, katwa ka MPSC da khut pynman Exam ko neibynta ki Junior Cooperative Officer, Soil & Water Conservation Ranger.
Ha ka 13 tarik won ka DSC da khut pynman Exam ko neibynta i kreh Male Supervisor, Gram Sevika, katwa ka MPSC won da khut ko neibynta i kreh Surveyor Grade-I Housing Department.
Kamtæ heiyatoh wa ini neiliang ka seiñ da pyrchang ko wow kyrpaad ya u Deputy Commissioner wow rah tarik u ya kini ki Exam, tangwa u DC da klam che u wym ye de u rah sngi neibhah hachwa u khut ya kini ki Exam dadep u leh wow pyntip cha ka MPSC, tangwa neiliang ka MPSC won ong u wym em u chimkhia ko.
Kamtæ u DC da klam che u wa dadep booh bait booh ryntih ya kini ki tarik wei neiliang ka DSC Committee u pynman bait ko ya kani ka exam khlem ye de u kyrriah.
Neiliang ka seiñ da ong ko leh wa daw lai mih ki cha ki bor wa toh u pait khamtam cha ka MPSC wow burom ko ya ki sngi wa pynman ya ka Exam DSC.
Discussion about this post