U Deputy Chief Minister ka jylla, u Sniawbhalang Dhar da hiar u cha ka chnong Namdong-A ynne ka sngi yow lai pait wei e yarap cha ka manyung ka Virginia Lyngdoh wa u Shanbor Pasi hadien wa chah baam lut i yung ki hei diñ heiwa da dooh ki leh ya ar ngut ki khon kynthai kiwa dang 12 snem wa kawa chi snem i rta iwa da jia ha ka 8 tarik uni u bnai heipor wa kini ki khon ki dang yoh thiah ki.
Ini i diñ da kop i neidaw i thang mombati ha yung wei ki paidbah da wan ki wow yarap yow pynlait im won ya ki le ngut kiwa em ha kawi won ka kamra thiah.
Neiliang u Sniawbhalang da e mynsien u ya u pa wa ka bei yong kani ka yung ryngkat i e yarap neibynta yong ki.
Ha kani ka sngi da synraanlang da u waheh chnong ka Namdong, u Secretary chnong Namdong ryngkat ki waheh wa ki khynroo ka 1-Nartiang Constituency.
Discussion about this post