Yachem u Wailadmiki ya ka chnong deilang ka kur yow pynbait chna pynmiat ya ka madan Jrisaleiñ

Ynne ka sngi u MLA ka Jowai, u Wailadmiki Shylla hajrong i thmu wow pynmiat ya ka madan Jrisaleiñ wa em ha Chutwakhu, Jowai, da khut u ya ka yalang ha yung krehkaam ka Jowai Municipal Board.

Ha ka yalang da em kiwa yahkhmat ka Kur Challam nadooh u Dawaki Challam, President, u Daowan Challam, Secretary, u Riboon Challam, Vice President neitæ u Waheh Chnong ka Chutwakhu u P. Lyngdoh, kiwa sikai ka Government Boys’ HS School, ka DV Lyngdoh, ADC u sahep ka PWD wa kiwi de.

Ha ka yalang, u Wailadmiki da pynsñiaw u yei thmu wow chna pynmiat ya ka madan Jrisaleiñ deiwa chna ya ki thaw chong namo ka Gallery na i thaw ka Kur Challam wa kiwi kiwi heiwa da pynsñiaw leh na ka kur, neitæ u P. Lyngdoh wa kiwi.

Hadien ka yalang da lai pait lai sylli ya kani ka madan.

Related posts

Lai sylli ka PAC yei pynkrehkaam ya ka MHIS ha ki thaw sumaar

November 17, 2025

Wym bien ka sorkar u klam che lada u su yei hok kiwa kreh Muster Roll, pynbna pynman dorbar bah ha Shillong

November 17, 2025

Hawa yaklam wa u Wailadmiki da ong u wa nadooh nachwa jooh pyrkhat wow pynmiat ya kani ka madan kawa emkaam bha kawa em hapyrdi ka sor Jowai heiwa da pynman ya ki lehkmen man-u-snem kam ka Republic Day wa ka Independence Day.

Da ong u wa ha ka Independence Day uni u snem hawa chong napoh Pandal da yoo wyrai u pait ya ki paidbah wa chong ki ha madan heiwa ha ka yalang kiwa embynta waroh da em ki i jooh i thmu wow pynmiat ya kani ka madan.

Heiyatoh wa i slem u pynmiat ya kani ka madan, u Wailadmiki da ong u wa ha ki por wa dadep da em i kajia pood wa kiwi kiwi.

Ki bynta wow pynmiat ya kani ka madan toh wow kær ya ka madan, u chna ya ki thaw chong paidbah wei daw emkaam u kheiñsap namo ka Estimate wei daw yang hadooh wa yoh ya ka rai na ka Government Boys’ HS School, ka Kur Challam wa kiwi khnang wow ye u tip kammon wow tia chaphrang.