Ujor biang ka MPCC pyrchah ya ki MLA wa yut seiñ wa kynthup sa ya u Ronnie

Ka Meghalaya Pradesh Congress Committee (MPCC) ynne ka sngi da ujor biang ko cha ka yung krehkaam u Lamphang ka Yung Dorbar Chna aiñ pyrchah ya 4 ngut ki MLA kiwa da yut cha ka NPP.

Kiwa yahkhmat ka MPCC wa kynthup ya u Secretary, u Manuel Badwar wa u Chairman ka Legal Cell, u Kynpham V Kharlyngdoh da e kti ki ya ka ujor ha u Commissioner & Secretary, u Andrew Simon.

Kani ka ujor ka Congress da sdang nyngkong ko pyrchah ya ki 3 ngut kiwa da yut chwa wa kynthup ya u Dr. Celestine Lyngdoh, u Charles Marngar wa u Gabriel Wahlang kawa da ujor da u Ronnie V Lyngdoh, tangwa hadien wa u Ronnie da pynkut noh u ya kani ka ujor neibhah wa da yut u cha ka NPP, neiliang ka MPCC da pynthymme biang ko ya ka ujor wa kynthup pyrchah ya u Ronnie Lyngdoh.

U Manuel Badwar da ong u wa kani ka ujor ka Congress toh katkam ka riti synchaar neibhah kitai ki MLA da tyngkheiñ ki ya ki kyndon yut seiñ deiwa ong lada u Lamphang ym leh u iwon iwon daw lai ki wot cha ka Kasari.

Related posts

Leh chiliang ka sorkar deiwa pynku ya ki kaam uiñke suwari ha Khasi Hills donhi katwa ka Jaintia Hills wa Garo Hills ym yoh bhah ki

November 4, 2025

Em ki bru wa da pynkhreh 5-6 bnai yow wan cha ka Umngot, sñiawkhia u Lahkmen yei ktieh ka wah

November 4, 2025