U Montri ka chnat Tourism ka jylla, u Paul Lyngdoh da maham u wa i dawa yong ka seiñ ki kari kamai wow khang ya ki kari na baar jylla ye ko wow wanrah yei chah ktah kylla ya ka jylla hi.
Hawa klam ynne ka sngi, u Paul da ong u wa iyi wow jia lada ka sorkar Assam leh khang ko ya ki kari kamai na Meghalaya wow lai booh bru wei ini daw wanrah ko yei ktah wa chyrkhei bha.
Da ong u wa ka jylla Meghalaya ym em ko ya ka Airport kawa heh, ym em ko leh ya ka luti rel, ki thaw sumaar kiwa ki bru na kani ka jylla da ki hajar man-ka-sngi da hap ki wow lai cha Assam kamjooh yow lai cha baar yow pyndep ya ki kaam ki jaam.
Da kylli u leh wa lada ka seiñ kari kamai u chim ko yei kitkhlieh lada poi cha uni u pood. Da ong wa ymtoh wow khim i rukom pyrkhat neibynta i myntoi yong ki samen donhi.
U Paul da khana u leh wa sorkar da em ko ka Committee kawa khlieh da u Commissioner & Secretary, u C.V. Diengdoh yow pynbait yei eh yong ki kari kamai wei da kyntu u ya ki wow booddien yow pyndam noh yeini i eh yong ki heithaw wow wanrah pathan deiwa chit kawa ye wow yah cheiwa sih.
Discussion about this post