Uwa yahkhmat ka Congress, u Manuel Badwar da ong uwa i rai ka sorkar wow su tulop ya kiwa kreh ki Autonomous District Council toh i kaam Politics wow jop ya ka Election MDC ha Garo Hills Autonomous District Council (GHADC) ha u snem wow wan.
Da ong u wa u Chief Minister da pyrkhat u wa ini i rai daw pynlait i nei eh iwa daw wanrah yei sñiaw ki paidbah wow yarap ya ka NPP ha ka Election, deiwa pynrap wa ini ymtoh ka luti wow lai u wei man ko kawa bakla.
Chooh chooh da ong u wa lada ka sorkar pynbna ko wow e da ka ram wow yarap ya ki District Council ye i wow man tangwa u yarap su tulop man i wym ye wow pdiang.
U Manuel da ong u leh wa ki District Council man ki ki chlem krehkaam wa kyrpang neibynta ki khian paaid, lada ya ki Khasi, Jaiñtia wa Garo wei lada ka sorkar ong ko wow pynlait na i duna poisa deiwa su ya ka tulop daw ktah bha i yei bor krehkaam wa laitlooid ki District Council katkam wa da e bor ka 6th Schedule.
Discussion about this post