Ka Indian Red Cross Society, West Jaiñtia Hills Unit ha ka thong wow pynkhlan yei rukom krehkaam hapoh ka District, ha kani ka tayaaw nadooh ka 27 tarik hadooh ka 29 tarik da pynman ko ya ka First Aid Training ha Yung Dorbar ka Lion Mission Compound Dorbar Chnong.
Ha ka yalang yahkhmat wa tbian hei pynlai ka S.Tariang, Senior Life Member IRCS, u W. Lyngdoh, Chairman IRCS, West Jaintia Hills da man u kam u kongsan heiwa da yoh i klam pdiang burom na ka Emidaka Lyngdoh, Organiser Junior Red Cross Society, WJH, i klam i khanna chaphang ka Junior Red Cross wa ka Youth Red Cross na u O. Laloo, Secretary IRCS, West Jaintia Hills katwa u H. Khongstia, Life Member IRCS hei pynkut e u ki kyntien khublei.
U O. Laloo hei klam, da ong u wa ka thong yong kani ka e sikai toh wow khriñ ya ki khynnah skur wa ki khon khynroo khyllood u ya embynta ki wa ka Indian Red Cross hei dur yong ki Junior Red Cross wa ki Youth Red Cross wei chooh chooh da khana u leh ya ki yurim krehkaam ka Indian Red Cross Society kam ka seiñ krehmon sñiawbha wa em hapoh ka ri India kawa yieñ wow e i chakri wei yarap ya ki para bru ha ki dur ki rukom waphær.
Neiliang u W. Lyngdoh, Chairman IRCS, West Jaintia Hills hei klam kam u kongsan da kdar u wow pynsñiaw ya ka Pledge yong ka Indian Red Cross Society wei da khana u leh kyrpang ya ki 4 tylli ki yurim yong ka Red Cross Society kiwa ong Care of your own health and that of other, Understanding and acceptance of civic responsibility, Maintaining the spirit of friendly, helpfulness towards other children in our country and all over the world, Disseminating Red Cross Movement.
Ha kani ka First Aid Training da wan wow e sikai da ki bru stat bru chemphang yong ka Indian Red Cross Society na Shillong kiwa kynthup ya u P. Deb, u Albert CL Nongrum, ka MGR Shabong wa ka Ibanylla Swer wei ki khynnah skur kiwa da wan wow chah sikai ha kani ka First Aid Training toh kiwa da wan na Kiang Nangbah Govt. Higher Secondary School, Jowai, na Thomas Jones Hr. Secondary School, Jowai, na St. Mary Mazzerllo Hr. Secondary School, Jowai, na Govt. Boys Hr. Secondary School Jowai, na Govt. Girls Hr. Secondary School Jowai, na KJP Synod Mihngi Hr. Secondary School, Jowai Presbyterian Secondary School, na Seinraij Hr. Secondary School, Jowai, na Thadlaboh Presbyterian Hr. Secondary School, na St. Michael & All Angel’s Sec. School, na Modern Secondary School, Ialong, na Mookyndur Secondary School wa na Little Angels Secondary School, Jowai.
Discussion about this post