U Montri Rangbah ka jylla, u Conrad K. Sangma da khut yalang u yow pait yei pynkrehkaam ya kiwa boon ki kreh heiwa da yaklam leh heiyatoh wa ka Tura wa Shillong Medical College.
Heiyatoh wa ka Tura Medical College da pyntip wa i kreh da pyndep 78% wei daw ye u pyndep ha u Naikhynde 2026 ha i thaw wa heh awjan 84 Acre heiwa 47,000 square meter toh neibynta ka College wa 14,096 square meter ya ka Hospital kawa daw em 735 tylli ki thaw thiah.
Da pyntip leh wa u sarok wow lai cheini toh uwa chariñ bha boi daw emkaam wow pynlai na iwi won i thaw wei da emkaam leh wow pynbait yei thung kreh ya ki Professor, Associate Professors wa kiwi kiwi de.
Neibynta won ka Shillong Medical College da yooluti wa u ha Naikhynde 2025 daw ye u sdang noh ka deiwa leh Admission lyngba ka 15% All-India Quota wa ka State Counseling Process.
U Conrad da ong u wa kat u poi ki snem 2030 deiwa em ka Shillong, Tura wa USTM Medical College ha Meghalaya, daw ye u pynmih palat 550 ngut ki Doctor ha ka chi snem iwa daw yarap u pynduna yei chaniah ka jylla ha ka Quota ka sorkar pyrdi.
Discussion about this post