Ka Meghalaya High Court da pynyinsur ko ya ka hukum ko wow chah ko ya ki bru wow pynemkaam da kiwi ki ID næ ki kot heithaw u Aadhaar katwa dang yang ki ya ka Aadhaar Card.
Ka Division Bench wa kynthup ya u Chief Justice, u Indra Prasanna Mukerji wa u Justice Wanlura Diengdoh da pynche ki wa ini u krehkaam i du neibynta ki bru wa da pyndap yow yaleh Aadhaar tangwa ym pu yoh ki ya kini ki Card.
Katkam ka Interim Order ha ka 21 tarik u Naiynñiaw 2025, da chah wow pynemkaam da kiwi ki ID kat wym pu yoh ya ki Aadhaar Card neibynta kiwa da pyndap wow yaleh.
Kani ka hukum toh katkam ka Public Interest Litigation (PIL) wa ujor da u Greneth M. Sangma, wa paan por neibhah em ki bru ki wym pu yoh ya ki Aadhaar yong ki.
Neiliang ka Unique Identification Authority of India (UIDAI) da e dorkhat (Affidavit) ko wow pyrchah ya kani ka mukotduma wei u chong bichaar biang ya ka ha ka 17 tarik u Naikhynde.
Discussion about this post