Phah khang ka chnong Lapalang ya ka Hotel hadien wa chemdien wa emkti uwa pynlai ka hei khayi drugs

Hadien wa yoh kem drugs ar sien da ki Yaba Tablet ha ka jooh ka miet heiwa nyngkong da yoh kem 6000 tylli kini ki kuli Yaba wei hadien won sa 4000 tylli wei da chem nyngkong napoh kawi ka kari wa pynemkaam da ka City Palace Inn wa em ha Lapalang wei hadien won na u kong wa pynlai ya kani ka thaw sah bru, neiliang ka Dorbar Chnong of Lapalang da phah ko wow khang ya kani ka yung wa em san mala.

Ya kani ka Hotel da pynlai da uwi u bru wa tip kam u Rana Ahmed uwa da suba toh uwa man u bru wa leh ya kini ki kaam khayi drugs wei hawa pyrchang ki pulit wow kem oo ynnin i miet da yoh u wow yut.

Ki bor ka chnong Lapalang ynne da pyntip ki wa da phah khang ya kani ka yung wei ym chah wow wai biang ka. Da pynche leh wa kam ka chnong ym em e NOC ya kiwa na baar wow seiñ khih næ wow pynlai ya kawon kawon ka khih.

Ka chnong da ong ko wa daw khut pynman yalang yow booh kyndon yei em kam kini ki jait thaw hapoh ka chnong deiwa pynrap leh wa hapoh ka chnong em ko boon ki jaitbru wa sah wei da emkaam bha u paitbniah yow lait u jia biang kamni.

Katkam ka khubor wa da yoh, u Ahmed da chim wai u ki ini i yung na ki Khasi kiwa mantre wei da pynkylla u ka cha ka Hotel heiwa da pynlai u leh yeini i khayi drugs na kani ka Hotel.

Related posts

I psiah Congress ymtoh wa chet kylla ya ka yung, kylli na u Dr. Mukul lada oo leh u wan biang u: Zenith

October 29, 2025

Psiah biang u Zenith cha ka Congress, khut u Saleng ya kiwa da yut neiwa chah pynchoi ha u ksuid

October 29, 2025