U Deputy Chief Minister ka jylla, u Sniawbhalang Dhar ynne hawa yaklam wa kiwa pathai khubor hajrong i chah pyndik ki warep ka chnong Lapangap ha ki jaitbru Karbi khamtam katni chwa wow ah kba, da ong u wa da yaklam u wa ki sahep sorkar hajrong iwa jia.
Da ong u wa ha ka 29 næ 30 tarik uni u bnai daw chong pyrkhat wow wanrah ya ka Peace Committee ha kam ha ini i por ah kba heiwa da chah pynthut ki bru yong i wei da yaklam wa u Deputy Commissioner ka West Jaiñtia hajrong ini.
Chooh chooh da ong u wa da yaklam u wa u ADM wa pait ya kitai ki thaw wei ha ka tayaaw wow wan daw chong kani ka Peace Committee waroh ar liang.
Heiyatoh wa i klam pynbait pood, da ong u wa ini i kaam man iwa pteiñ wei katkam wa man katni emkaam u pynbait chwa yei man i long ha Lapangap.
Hajrong i dawa ki paidbah ka thaaiñ wow pynboon ya ki pulit, u Sñiawbhalang da ong u wa daw yachem u wa u Chief Secretary wa ka DGP wow leh yeiwa emkaam.
Discussion about this post