I chit ha kini ki ar sngi hapoh ka jylla Meghalaya toh iwa rap joor khamtam ha ki thaaiñ Garo Hills heiwa ynne ha Ampati dapoi i chit hadoooh 37.5°C iwa ku da 0.7°C na 35.9°C ha ka 25 tarik iwa man leh iwa chit dooh i thaw hapoh ka jylla ha kini ki ar sngi.
Ha Jowai leh ha kini ki ar sngi nadooh ka 25 tarik i chit da tam i 30°C heiwa ha ka 25 tarik da man 30.4°C katwa ynne ka 26 tarik da ku cha 31.2°C.
Katkam ka yukheiñ ka IMD Shillong Centre, ka thaaiñ Mynkre leh toh kawa chit bha kawa dapoi 35.1°C ynne ka sngi heiwa ha ka 25 tarik i chit man i 34.6°C.
I duna dooh i dait ha Jowai ynne man i 21.6°C katwa ha Mynkre won 20.3°C.
Iwa joor dooh i chit ha Shillong ynne toh 28.8°C katwa i dait won 18.2°C.
Discussion about this post