Kam chibynta wow yarap ya ki para bru wa emkaam yarap, ka Kur Sookpoh Khad-Ar Wyrnai ha ka 1 tarik da pynman ko ya i e snaam sñiawbha ha Jowai Civil Hospital Blood Centre, Panaliar, Jowai.
Chwa ini da em ka yalang wa tbian wa pynlai da ka Dr. I. Khyriem kawa man ka Sr. Medical & Health Officer wa pait ya kani ka Blood Bank heiwa da yoh ya ki kyntien pdiang burom na ka Olivia Nongbri kawa man ka Lab Technician.
Ka Dr. I. Khyriem hawa e i klam da e khublei ko ya ka Kur kawa da wan chaphrang ha kani ka sngi wow e snaam sñiawbha heiwa ka 1 tarik u Naichiphaw man-u-snem da pynman ya ka kam ka National Blood Donation Day.
Da khana ko leh ya i myntoi hawa e snaam wei kammon leh yarap i ya kiwi ki manyung kiwa em ki dkhot wa emkaam snaam.
Neiliang u Dolloi ka Elaka Jowai, uwa man leh u President ka seiñkur da man u leh kam u kongsan heiwa da yahkhmat u wow chim ya ki kyntien kular wow man ki bru wa smat wow e snaam sñiawbha neini chaphrang.
Hawa e i klam, u Dolloi da ong u wa emkaam u pynsñiawthooh ya kiwi yei myntoi hawa e snaam sñiawbha neibhah wa i leh yong ki ye i wow yarap ya kiwi tawon ki mynsien.
Ha kani ka sngi da pynkup burom leh ya ki kynthai wa jooh e snaam sñiawbha da ka Monica Dkar kawa man ka Staff Nurse wei da pynkut ya ka yalang da ki kyntien khublei na ka Manisha Phawa kawa man ka Lab Technician.
Ha kani ka sngi da em 8 ngut kiwa da e snaam sñiawbha.
Discussion about this post