Ki MDC ka Liang Pyrchah da pynsñiaw ki hajrong i thaad madan ka Executive Committee wa yahkhmat da ka VPP ya ka sahep kawa man ka Superintendent yong ka chnat Professional Tax.
Yeini da pynsñiaw hapoh ka yung dorbar ka KHADC ha ka Zero Hour Notice wa da wanrah da u MDC ka Mawshynrut, u Srarly Rashir wei da chimbynta leh da ka MDC na Nongshken, ka Grace Kharpuri wa u MDC ka Sohra, u Titosstarwell Chyne, u MDC ka Laban, u Ricky Shullai, u MDC ka Rambrai, u Lurshai Kharbani wa ka MDC ka Nongpoh, ka Rona Khymdeit
Kini waroh da pynsñiaw ki yei sñiawkhia yei rukom krehkaam ki sahep hapoh ka Council wa i chngaaiñ yong ki wei da kylli ki leh ya ka yurim wa chim ki sahep wei da kylli lada kani ka EC booh ko ya ki sahep u kreh deiwa tieñ deiwa phah ya ka Cause Notice.
Ini i yatai da pynchrai ko ya ki MDC ka Liang Pyrchah hadien wa ka Executive Committee da sait kti ko wa phah ya ka Notice cha ki kattu katni ki dukan wa kynthup ya ki dukan dai cha wa kiwa dai kwai dong, heiwa da pynbaad wa leh hi da ka sahep.
Ha ini i yatai neiliang ki MDC ka Liang Synchaar da yieñ ki wow pynksan hajrong i leh ka Executive Committee wa ya ka Notice lum dan na ki dukan cha wa kwai dong kamwa da mih ha ki rynsan toh iwa e por ka EC wa dadep haap wei neiliang u CEM leh da pynbna u wow pyndam noh ka chisiendon ya kani ka hukum su dan.
Neliang u EM, u Seiborlang Warbah da ong u wa ka EC ym em ko yei thum wow thaad næ wow dai sarom ya kiwon kiwon ki sahep.
Hawa e yei klam, u CEM, u Winston Tony Lyngdoh da ong wa ym len u wa he itu i por da em u Care Taker CEM hapyrdi wa chitom u wei da em kiwa chim kabu yeini.
Da kyntait uwa da pynmih yei pyrtuid ki sahep sorkar wei i mih pyrtuid toh du ha ki Social Media.
Discussion about this post