Ka Khasi Hills Autonomous District Council (KHADC) da iwi i sur da railang ko hapoh ka yung dorbar wow pyrchah joor yei tih Uranium nei pynbna lyngba ka Office Memorandum (OM), wa da pynmih da ka Ministry of Environment, Forest and Climate Change wym emkaam de u pynman ya ka Public Hearing lada ka sorkar India kwah ko wow tih ya ki marpoh khyndaw ‘Atomic Minerals’ wa kynthup ya u Uranium uwa em ha u pood u ang ka KHADC.
Hawa wanrah yeini i ka rai hapoh ka yung dorbar, u Chief Executive Member (CEM), u Winston Tony Lyngdoh da pynsñiaw u yeiwa emkaam jhan wow dawa na ka Ministry wow pynlait noh ya ki thaw ka KHADC na kani ka Office Memorandum wa da pynmih ha ka 8 tarik u September 2025.
Katwa neiliang uwa yahkhmat ka Liang Pyrchah, u Titosstarwell Chyne da pynsñiaw u kyrchaan yeini i rai wa da chim da ka Executive Committee, heiwa da e buit u leh wa heithaw wow dawa ym du wow pynlait ya ki thaw wa haap hapoh ka KHADC, tangwa toh wow dawa na ka Ministry wym toh u pynkrehkaam ya kani ka OM ha ka jylla waroh kawi.
Ha ka yatai da chimbynta leh da u MDC ka Laban, u Ricky Shullai wa ka MDC na Nongshken, ka Grace M Kharpuri.
Discussion about this post