Ha ka sngi sdang i yakhih ynne ka 27 tarik deiwa ksoh wei pynuiñ ya ki Truck wa kit Cement wa Clinker kiwa wan na ka thaaiñ East Jaiñtia Hills District, wa da khut pynman da ka seiñ kiwa kamai Truck wa em hapoh ka lama yong ka Meghalaya Commercial Truck Owners and Drivers Association (MCTODA), Jaiñtia Unit ha u sarok Jowai Bypass ha i bynta ka Soomer Mihmyntdu, neiliang kiwa yahkhmat wa ki dkhot napoh ka Central Body leh da ya wan hiar ki ha kani ka thaw yow e i kyrchaan ya kani ka yakhih.
U General Secretary ka MCTODA Central Body, u Peter Marbañiang hawa klam ong u wa kani ka yakhih yong ki toh du wow dawa yei hok na ki Company wa pynmih khyndaw bilat wa toh u su bai kit bai bah ki hei dor wa biang katkam ka dor sorkar, ymtoh wa em daw ki wa ki bor District.
Ong u wa ki man donhi ki kam kiwa kit wa bah ya ki mar yong ki Company, neibhah wa da e lut cha ki wa moo, wa deiñ, wa Cement wa thaw, kamtæ hei sakhiat ki won toh u e u su ki hei dor wa biang khnang yow ya imlang.
Heijooh i por pyntip ki wa lada ki Company ym wan ki da ki hi u yaklam ya pynbait yei dor i mur ha kani ka thaw, u pteiñ chooh ki yei yakhih.
Hadooh kamwa man kattæ i yakhih ka seiñ MCTODA dang bteiñ i, wei neiliang ki bor pulit ka West Jaiñtia Hills District leh dang emlang ki ha kani ka thaw.
Discussion about this post