Da sdang ya ka Shillong Government College of Engineering deiwa em 50 ngut kiwa lai puræ

U Montri Rangbah ka jylla, u Conrad K. Sangma, ynne da wai u ya ka First Academic Session ka Shillong Government College of Engineering kawa em ha Mawlai, Shillong.

U Conrad hawa e yei klam da ong u wa kani da man sakhiat ko ka sngi wow sahkynmoo ya ka Meghalaya iwa da yang da boon snem tangwa hanla slem leh ym em mut wa daw chah ieh i chadien.

Da khana u leh yei parom uwi u Khasi uwa man kam u Engineer uwa na Shillong uwa da chna ya ka Software wa pynemkaam ha ka S/4HANA Systems kawa man ka yaaw wa chongdor $10 Billion hapoh ka pyrthai deiwa pynemkaam ya ka Nvidia “Speed of Light” yow pynsmat yei leh Test ya ki Software da ki kattu katni bnai heithaw wa chimpor da ki snem nachwa. Wei ini leh da jia i ha Shillong heiwa ki bru ka Nvidia dadep wan ki yow pait kammon u leh yow ya krehlang. Neibynta ini da e Training ya ki 50 ngut ki khynroo da ka thong wow pynpoi 200–300 ngut.

Da khana u leh wa ka Second Phase ka Shillong IT Park daw wai ka ha uni u December, kawa em 3,000 tylli ki Seat wei da em ka Company kawa na UK kawa da pynyoo yei kwah wow sdang yei kreh heini.

Neiliang u Symbood Montri Rangbah, u Prestone Tynsong hawa e yei klam da ong u wa kani ka First Batch da em 50 ngut kiwa puræ wei da pynchlur u ya kiwa sikai kamjooh kiwa lai puræ yow pynman ya kani ka College kawa poi chakhmat dooh ha India.

U Montri ka chnat puræ puthi, u Lahkmen Rymbui da ong u wa chwa u 2018 da em du 5 tylli donhi ki College sorkar tangwa ha kini ki 7 snem da em boon kiwa thymme wa da mih kam ha Mawkyrwat, Rongjeng, Patharkhmah wa kattu sa kani ha Shillong.

Related posts

Jop kiwa boon ki skur ha ka Block Level Chief Minister Youth Engagement Programme ka Thadlaskeiñ Block

October 31, 2025

Pynkut ka St. Michael & All Angels Secondary School, Jowai ya ka lehkmen Silver Jubilee

October 31, 2025

Da khana u leh wa da em palat 650 tylli ki kreh wa da pynmih neibynta kiwa boon ki College wei ki khynnah wa yoh Scholarship da ku na 5,000–6,000 ngut chwa u 2018 cha 45,000 kattæ.

Ha kani ka sngi da booh mooyurim leh yow sdang chna ya ka RCC Building ha Shillong Polytechnic ka wow em ki Workshop, ki Laboratory, ka Exam Centre, ki Smart Classroom wa Teachers’ Rooms wa kyrchaan poisa da ka North Eastern Council hapoh ka Ministry of DoNER ka sorkar India.