Kylli ka KYM na u DC iyi wa da leh ya ka poisa wa da booh yow yada ya ka wah Myntdu kawa da ktieh biang kattæ

Ka Khooid Ya Ka Wah Myntdu (KYM) ynne da lai ujor ko ha u DC ka West Jaiñtia Hills yow khana yei joor ktieh ka wah Myntdu heiwa ha ka 27 tarik u Naikhynde da yoo yei ktieh ha ki bynta ka wah ha Dam Mupiah kawa man ka thaw pynlang um ka PHE wei ha ka 23, 24 wa 30 tarik uni u Naichiphaw da chem yei jooh biang hanla hiar u slap kattu katni donhi.

Ka seiñ da ong wa ini da ktah ko ya ka yung krehkaam u SDO PHE, Electrical Sub-Division, Jowai wow taan um na kani ka Dam yow pyndap ya ki hajar tylli ki manyung ha Jowai kiwa chaniah ha ka umkor wei ini da jia i neidaw wa yoh kiwa chna wa tei, kiwa tih chyiap wa kiwa tih khyndaw khlem da em wa khang pyn harood ka wah Myntdu.

Da ong leh wa ini daw ktah ko leh yei chait i khiah kiwa chong chnong khamtam kiwa dooh wa duk ki wym em poisa wow thied um manda jia wa duna um ha chnong Jowai.

Da pynkynmoo leh ya u DC wa ini waroh toh iwa man pyrchah ya ka aiñ.

Related posts

Hei lai kynreh ya ki dkhot ka KSU poi ki Tear Gas cha ki yung ki bru | Chrai kiwa chong chnong

August 19, 2026

Dei pdung ki Tear Gas wei lakam ka madan thma ka Jaïaw hei lai kem ki pulit ya ki heh ka KSU

August 19, 2026

Kamtæ da kyrpaad leh na u DC wow e u dei thoh yeiwa pynemkaam ya ka poisa wa Rs. 5 lak kawa da e sñiawbha da u Friday Hinge kawa da booh hapoh ka Bank Account ha ka Bank ICICI ha ka 08-01-24 neibynta wow yada wa i bha i miat ka wah Myntdu.