U SP ka East Khasi Hills da pyntip u wa ha ka 30 tarik uni u bnai da pyntip cha ki pulit ka Sohra Police Station wa da em kiwa chong chnong da suba ki ya kawi ka manyung ka Khliehshnong, Sohra wa toh kiwa em thlen wei da yalang ki hakhmat i yung dei thmu wow pynmynsoo ki.
Kamtæ ki pulit da lai ki wut-wut cha kani ka thaw heiwa da chem wa em kamwa 200 ngut ki bru kiwa da kær kut ya kani ka yung wei da sdang ki wow tympra yei yung.
Neiliang u BDO ka Shella wa u SDPO ka Sohra leh dapoi ki ha ini i thaw yow pyn-jai-jai tangwa kini ki bru paidbah da kawang moo ki ya ki pulit deilang ki SOT wei da knieh ki leh ya ki tiar (Riot Gear) ki pulit wei da rah ki ki leh tangwa da chem won ki hadien.
Kamtæ ki pulit da pynemkaam ki dei bor wa malu-mala yow tympra ya kini ki bru wei da yoh leh wow sai ya ki bru wa sah ha kani ka yung kiwa em 21 ngut wei da lai kit ki cha Shillong Civil Hospital.
Heiyatoh wa ini da kem ya 9 ngut ki bru wei da pynngat ki hapoh kiwa boon ki kyndon.
Neiliang ki pulit da ong ki wow pynbaad chohnoh ya ki bru wei pynpoor khubor hamsaya wei wow pynchit bru man ko pyrchah ya ka aiñ khamtam manda ktah ko yei yung i sem wa i mynsien bru.
Discussion about this post