Ka Block Level Chief Minister Youth Engagement Programme wa ar sngi yong ka Thadlaskeiñ Block wa da sdang haka 30 tarik hajrong ka thong wow e mynsien u pynchlur ya ki khynroo khyllood wa lai puræ yow chimbynta ki u pynyoo yei sap yong ki ha ki jait yakob waphær waphær dapoi noh ko chawa kut ynne ka 31 tarik.
Ya kani ka Block Level Chief Minister Youth Engagement Programme da pynman da ka yung krehkaam u District Sports Officer, West Jaiñtia Hills chirup ka yung krehkaam u Block Development Officer, Thadlaskein Block ha Kiang Nangbah Government College Auditorium, Jowai.
Kiwa jop ha kini ka yakob da saam cha ki da ki Certificate, heiwa haka yakob Folk Dance da yoh nyngkong ka Government Boys’ Higher Secondary School (NSS Unit) Jowai katwa ka Government Boys’ Higher Secondary School Jowai da yoh ko heiwa ar.
Ha ka Folk Song Category, ka Kiang Nangbah Higher Secondary School da yoh nyngkong ko, da wan wa ar ka Kiang Nangbah Government College.
Ha ka One Act Play da yoh nyngkong ka Government Boys’ Higher Secondary School Jowai, hei wa ar da yoh ka Government Girls’ Higher Secondary School Jowai.
Kiwa jop ha ka Quiz Competition kynthup ya u Nibiang Lyngdoh wa ka Riwanka Pde kiwa mihkhmat ya ka Government Boys’ Higher Secondary School, da yoh wa ar u Diplanmi Talang wa u Plielad Shaphrang Syngkon kiwa mihkhmat ya ka Kiang Nangbah Government College.
Ha ka Tug of War næ yataan tylle yong ki chynrang da yoh nyngkong ka Kiang Nangbah Higher Secondary School, hei wa ar won ka Government Boys’ Higher Secondary School.
Ha ka Tug of War yong ki kynthai won ka Kiang Nangbah Higher Secondary School da yoh nyngkong ko, ka Government Girls’ Higher Secondary School won hei wa ar.
Ha ka Painting Competition, ka Dahundiam Pohsngap da yoh nyngkong ko, hei wa ar da yoh u Newmanly Owen Shadap kiwa pyn-ar kiwa na Government Boys’ Higher Secondary School.
Ha ka Story Writing da jop ka Riwanka Pde, hei wa ar u Dahunmom Mukhim kiwa na Government Boys’ Higher Secondary School.
Ha i thoh Poetry won, ka Isahei Khlem na Government Girls’ Higher Secondary School da yoh nyngkong ko, hei wa ar won ka M. Syntem na Government Boys’ Higher Secondary School.
Hei tem Guitar, u Shibun Langsiang na ka Kiang Nangbah Government Higher Secondary School da yoh u hei nyngkong, wa ar won u Wanche Talang na Nephington Laloo Memorial Higher Secondary School, Wahiajer.
Ha ka Declamation Competition, ka Wymhasa Gympad na ka Government Boys Higher Secondary School da yoh nyngkong ko katwa ka T. Lyngdoh na Kiang Nangbah Government College da yoh ko hei wa ar.
Ha kani ka sngi pynkut da emlang leh u H.Toi, I/c Principal Kiang Nangbah Government College, Jowai chirup u K. Passah, District Sport Officer, West Jaiñtia Hills District, Jowai.
Ya kani ka jooh ka da pynman leh ha kiwi ki Block ka West Jaiñtia Hills wa kynthup ha Amlarem, Laskein wa Namdong Block wei kiwa jop na waroh 4 tylli kini ki Block daw chimbynta won ki sa ha ka District Level Chief Minister Youth Engagement Programme kawa daw man haka 5 tarik wa 6 tarik u November, 2025 ha District Library Auditorium, Mynthong, Jowai.
Discussion about this post