I e khublei sñiawngooh na ka Planky Pyrtuh kawa yakhun Election Waheh Chnong ha Sohmynting

Ka Planky Pyrtuh kam kawi kawa da mih chakhmat u yakhun ya ka Election Waheh Chnong ha ka chnong Sohmynting ha ka 03-11-25 da e khublei wei sñiawngooh ko ya waroh ki paidbah wa chong chnong nadooh kiwa e kyrchaan pura ya ka kamjooh ya kitu ki wym em e kyrchaan leh.

Da e khublei ko leh ya u Pa Dolloi ka Elaka Amwi deilang ki dkhot ka Elaka, kamjooh ki bru napoh ka Jaiñtia Hills Autonomous District Council kiwa da wan emlang ha katai ka sngi neibynta u pynlai bait pynlai ryntih ya ka Election jied waheh chnong.

Neitæ e khublei haroh ko ya ki para kyrtong wa yakhun ya kani ka Election nadooh u Ling Pyrtuh uwa dapoi haka thong jop deiwa yoh 1036 Vote, u Jerry A Suting uwa yoh 127 Vote wa u Laribha Kyndait uwa yoh 63 Vote katwa ka won yoh ko 562 Vote.

Ong ko neidaw wa kani dang man ka sien nyngkong wa mih yakhun ko, hap ko u maad chiboon i eh, najrong wa dang em kiwa chong chnong wa sñiawphylla yei yieñ yakhun Election Waheh Chnong da ka kynthai, hanla kattæ leh sñiawkmen won ko u yoo yei boon i maya wa yoh ko na ki paidbah.

Related posts

Da wai ya ka yung krehkaam wa thymme ka Amlarem C&RD Block

November 11, 2025

Chem chitom ki puilt wow takit ya u khynnah heiyatoh i yap kawa dang 4 snem

November 11, 2025

Wei kam ka bru wa jooh embynta u yakrehlang wa ki paidbah ong ko neini chakhmat leh u emlang u yakrehlang hi ko chirup chirup wa ki paidbah wa chong chnong.