Kawi ka khlieñ Amur Falcon kawa da kem wei e pyrtuid kam ka ‘Alang’ heiwa da pyndait Satellite Tracking Device ha ka, dapoi ko ha Somalia deiwa hær 5,700 Km khlem sangeh ha ki 101 kynta nadooh wa mih ko na Chiuluan, Tamenlong District ka jylla Manipur ha ka 19 tarik uni u bnai wei uwi won u khlieñ, u ‘Apapang’ dang hær u 4,100 km khlem sangeh ha ki 95 kynta.
Ya ini i lai luti kini ki khlieñ da pyntip da ka sahep Supriya Sahu ha Social Media deiwa yoh yutip na u Dr. R. Suresh Kumar yong ka Wildlife Institute of India (WII).
Kini ki khlieñ khia ki du 150 gram, wei da pynyoo ki yei bor yong ki deiwa hær khlem sangeh deiwa baam najrong ka duriaw Arabian Sea.
Ki Scientist na ka WII chirup wa ka Manipur Forest Department, da pyndait Satellite Transmitter ki ha ka Alang, u Apapang wa ka Ahu ha Chiuluan, Tamenglong District ha u November 2025 yow puræ yei lai luti yong ki.
Ka Alang wa u Apapang dapoi ki ha Tamenglong ha u October 2026 heiwa da neh ki 25 sngi ha i thaw chong-ngiah (Roosting Site) ki chwa wow mih biang cha Africa ha ka 19 tarik u November.
Man u snem kini ki khlieñ poi ki ha Northeast India ha ki bnai pyn-ih kba ha Manipur wa Nagaland wow baam ya ki khñiang chwa wow hær biang ki.
Ya ki Armur Falcon da yada hapoh ka Schedule-I yong ka Wild Life (Protection) Act, 1972, wei hap ki hapoh ka Appendix-II yong ka Convention on Migratory Species (CMS).





Discussion about this post