Ka Niksamso Garo Community Organization (NGCO) da dawa ko wow takit ya ki ar ngut, u Dhurup Prasad (wa tip leh kam u Dhrup Sah) wa u pyrsa yong oo, u Rupesh Prasad neibhah wa mih i pyrtuid ki ha ki Final Electoral Roll ka Bihar wa Meghalaya dei sñiawkhia lada khooid ka Special Intensive Revision (SIR).
Ka seiñ da ong ko wa kini ki bru toh kiwa em pyrtuid ha 50-North Tura (ST) Constituency hapoh ka SIR 2026 Final Roll wa pynmih ha ka 26 tarik u October 2026. Wei kini toh kiwa em hapoh ka Tura Bazar Section ha ka House No. 263 heiwa u Dhurup Prasad da em u ya ka EPIC Number HPZ0661728 kam uwa 46 snem katwa u Rupesh Prasad da em u ya ka EPIC Number TST0124248 wei i rta wa 26 snem.
Kini ki jooh ki bru da mih pyrtuid ki ha ka SIR 2025 Electoral Roll na 106-Ziradei Constituency ha Siwan District ka jylla Bihar kam ki dkhot ka yung wa em House No. 80 ha ka Kilpur Section. Ha kani ka thup u Dhurup da mih pyrtuid u kam u Dhrup Sah (37 snem) wa ka EPIC Number TJJ0560623, u Rupesh Prasad won ka EPIC Number TJJ2497980 ha i rta wa 24 snem.
Hajrong wa ksoh ya ar tylli ki EPIC ha ki ar jylla, ka NGCO da pynsñiaw ko yei sñiawkhia deiwa kylli kammon mih pyrtuid ki ha ki ar jylla.
Kamtæ ka seiñ da dawa ko wow leh yeiwa emkaam hapoh i por wa biang.





Discussion about this post