U khynnah wa 7 snem yap u deiwa em wa pyndooh la’ær chem ka Post-Mortem Report

U Superintendent of Police ka East Khasi Hills, u Vivek Syiem da khana u heiyatoh wa i chah pynyap u khynnah wa dang 7 snem i rta heiwa yei metyap da chem na Lum Rumnong, Mawpat ha ka 8 tarik u October hadien wa wiar u na yung wa em ha Lum Myrboh, Nongrah deiwa ong wa ka takit man ko kawa jwat bha wei kawa kyllaiñ bha tangwa da em ki bru wa da pait bha ki pulit kiwa ye wow emkti.

Da ong u wa ka Special Investigation Team (SIT) dang pynman ko yei takit wei dang yang chooh chooh ya ki Forensic Report yow ye u tip kiwon na kiwa suba wa ye u leh yeini.

U SP da khana u leh wa da yoh ya ka Post-Mortem Report heiwa da chem wa uni u khynnah yap u deiwa dooh la’ær deiwa em wa khang u riñ mynsien u.

U Vivek da ong u wa ya kattæ ym pu kwah wow khana næ batai lut tangwa ki pulit u pteiñ ki wow booddien ya kitu kiwa ye u emkti wow leh yeini i kaam wow chim yei mynsien uni u khynnah.

Related posts

Kiwa poi chakhmat ye ki wow jied ya kawon ka College wa kwah ki u lai puræ MBBS: Wailadmiki

October 6, 2026

U pynman noh ya ka Selection Test ya kiwa kwah u lai puræ ha ka Umladkhur Eklavya Model Residential School

October 6, 2026