Tynyap wei tlep u chipai ya ka chan hadien wa pynbor ko oo wow bia

Ha iwi i jia wa pynkhyrngiat ya kiwa boon ha sorbah Prayagraj, Uttar Pradesh, ki pulit da kem ki ya uwi u chipai ka Indian Army uwa tynyap wei tlep pyn ya ka chan u.

Ya uni u chipai da tip kam u Deepak wei da kem ya oo ha ka 17 tarik hadien wa wiar kani ka kynthai wei hadien wa chem yei metyap ko.

Ini da jia i ha ka 10 tarik uni u bnai heiwa u Deepak da khut u ya kani ka kynthai wow yah ke ya ka da ka thuk-thuk u wei manda poi hei thaw wa langam da ah u ka na rdang wei da tlep u ka ha kpær soh.

Neiliang u DCP ka Ganga Nagar, u Kuldeep Gunawat da ong u wa da chem yei metyap kani ka kynthai ha ka 15 tarik wei najan i thaw wa tlep ya ka da chem ya kawi ka muna wa em ka kot wei ha kani ka kot da em i pyrtuid wei phone number iwa da yarap ya ki pulit wow chemdien ya uni u chipai.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Katkam i Video CCTV da yoo ya u Deepak chirup wa kani ka kynthai wa lai ki cha ini i kpær.

Heipor wa takit, u Deepak da phla u wa kani ka kynthai toh ka chan u wei da pynbor ko ya oo wow bia wa ka chwa wow u bia u wa kawi tawon ka bru wa toh u bia u ha ka 30 tarik uni u bnai.