Ka Dorbar Chnong Mynthong, Jowai katkam wa da tipmit wei pynkupbor da ka Jaiñtia Hills Autonomous District Council, da rai ko wow booh kyndon heiyatoh wa i dai thaw dai bhaw lane i chna yung chna sem wa i tih khyndaw pathar khamtam ha ki thaw wa chariñ wei ki kyndon man ki kamni ha wah:
1. Kiwon kiwon ki tre thaw kiwa em thaw hapoh u pood u ang yong ka chnong Mynthong kiwa em i thmu wow dai ya ki thaw yong ki hap ki u pyntip cha u waheh chnong khlem pep. Katkam wa da e bor, u waheh chnong u man u kam uwa thoh Dostabit. Wei kiwon kiwon kiwa thied thaw khlem da tip u waheh chnong, ka Dorbar Chnong ym e NOC ko ya ki manda mut ki u chna yung. Ini man iwa emkaam bha yow lait u mih i kajia pood, i dai ar sien yei jooh i thaw wei yow bait ki nala ki dooid wa ki luti ki syngkieñ.
2. Kiwon kiwon kiwa mut u chna yung khamtam ha ki thaw wym pu em yung hap ki u chim NOC na u waheh chnong khlem pep. Lada sdang ki u chna khlem yoh NOC, ka chnong u pynsangeh ko chisiendon wei daw lai booh Complain ko cha ka MUDA yow leh ko yeiwa emkaaam.
3. Kiwon kiwon kiwa mut u tih khyndaw khamtam ha ki thaw kiwa chariñ hap ki u paan bor na ka chnong. Lada yoo wa em kiwa tih khlem yoh bor, ka chnong u pynsangeh ko chisiendon wei u lai booh Complaint ko cha ka DDMA yow leh ko yeiwa emkaam. Ini man iwa emkaam bha yow lait ko u wanrah yei maa nei oor khyndaw khamtam manda slap.
Kamtæ da kyntu ya waroh ki bru kiwa em thaw hapoh ka chnong Mynthong katkam u pood u ang uwa da che katkam ki Signboard wa pynyieñ wow sñiawbha ki u burom ya kani ka rai neibynta i bha i miat yong warohlang.
I pyntip na u Waheh Chnong ka Mynthong, Jowai.
Discussion about this post