Hun u Sniawbhalang yei kreh ya ka Iawmusiang, Mini Secretariat wei i sdang ya ka Working Women’s Hostel

Ynne ka sngi u Deputy Chief Minister ka jylla, u Sniawbhalang Dhar da wan pait u ya ki le tylli ki kreh ha Jowai wa kynthup ya ka Iawmusiang, ka Working Women’s Hostel wa ka Mini Secretariat.

Ha kani ka sngi da synraan ya u Sniawbhalang da u Montri ka chnat Health wa Sports ka jylla, u Wailadmiki Shylla deilang u Chief Engineer ka PWD wa kiwi kiwi.

Hadien ini hawa yaklam wa kiwa pathai khubor, u Sniawbhalang da sñiawkmen u wow yoo wa i kreh ha Iawmusiang da lai i chaaid chaaid deiwa e khublei ya u Contractor neibhah wa i kreh wa dadep man i kamwa 78% wei hapoh chi snem datoh u pyndep ya ka.

Da lai pait won u leh ya ka Working Women’s Hostel kawa em hajan ka yung krehkaam u DTO wa da mang hei lut wa Rs. 27 klur heiwa i kreh da man iwa da sdang.

Related posts

Ha Jaiñtia Hills boi daw wanrah da kawa rap heh bar ya ka Cherry Blossom Festival: Sniawbhalang

November 21, 2025

Pynkylla u DC ya ka Advertisement ka DSC yow ye u yaleh du kiwa chong chnong ka East Jaiñtia Hills

November 21, 2025

Kani ka Hostel toh kawi na ki soo tylli wa da mang ka sorkar, kiwa kynthup ha Tura, Shillong, Ri-Bhoi wa ha Jowai heiwa da e ya i thaw wa heh cha ka chnat Urban Development wei u em ko le mala (G+2) deiwa em 200 tylli ki thawthiah chirup wa ki thaw baam namo ka Common Kitchen, ka Gym, ka Day Care wa kiwi kiwi.

Hadien nawon da lai pait u ya i kreh ha Mini Secretariat heiwa i kreh boon hi toh iwa dadep wei kattu ym slem de daw sdang noh sa ya ka Block-II wa ka Block-III.