Phah ka High Court ya u Syiem ka Mawsynram wow mihkhmat heiyatoh wa ka mukotduma Mawjymbuiñ

Ka Meghalaya High Court da phah ko ya u Officer-In-Charge ka Mawsynram Police Station wow pyntip ya u Syiem ka Hima Mawsynram hajrong wa sahteiñ ka mukotduma wei wow pyntikna wa wan mihkhmat næ thung muktiar u neibynta ka bichaar (Hearing) wow wan.

Ka Court da kdaw ko wa da pyntip ya u Syiem ha ka 3 tarik u Naichiphaw uni u snem tangwa ym em wan mihkhmat u neibynta yong oo.

Kani ka mukotduma toh kawa yatoh wa ka Yatra namo i lai mane blai ha krem Mawjymbuiñ, Mawsynram.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

Ka Court da ong ko wa i mihkhmat u Syiem man iwa emkaam katkam ka hukum ka Division Bench wei ya u Officer-In-Charge ka Mawsynram Police Station da phah wow pyntip ya ki (Syiem) hajrong i sahteiñ ka mukotduma.

Chooh chooh ka Court da sñiawkhia ko yei wym em pulit ha ini i thaw hajrong wa em ka hukum nachwa khnang wow pynneh yei chongsuk ha ka thaaiñ.