Kiwa chong chnong ka Mukroh, West Jaiñtia Hills District, ynne da lai e dorkhat ki ha u Lat ka Meghalaya yow dawa yei hok ki san ngut kiwa chong chnong kiwa da chah siat yap ha ki pulit ka Assam iwa da jia ha ka 22 tarik u November 2022 pyn hapoh u pood u ang ka chnong.
Kini ki san ngut toh u Tal Nartiang, u Sik Talang, u Nikhasi Dhar, u Shirup Sumer wa u Thal Shadap heiwa hadien wa jia ini, neiliang ka sorkar Meghalaya, sorkar Assam wa sorkar India da mynjur ki wow phah takit da ka Central Bureau of Investigation (CBI) tangwa hadien le snem leh ym em sdang kani ka takit iwa da pynkthang ya kitu ki manyung kiwa da dooh noh ya kiwa emyatoh ki.
Da pyntip leh wa ini ymtoh i sien wa nyngkong wa chah thombor ki ha ki bru wa na Assam khamtam ki Karbi lyngba ka seiñ kieñ suloi wa tip kam ka Karbi National Volunteer (KNV) wa ka United People Democratic Solidarity heiwa ha ka 08-02-2003, ka KNV da da pynyap ko ya 6 ngut kiwa chnong chnong heiwa sang ngut toh kiwa dang hapoh 18 snem.
Da dawa ki leh wow pynbait noh ya u pood hapyrdi ka Assam wa Meghalaya khamtam u pood ka chnong Mukroh.
Hawa yaklam wa kiwa thoh khubor da ong ki ka sorkar ym pu em booh ko ya ka Border Oupost wa pura heiwa ki pulit wa em ha ka chnong dang sah hi ki hapoh ka Community Hall wei ym pu em chimkhia ka sorkar yeini i kaam.
Discussion about this post