Ka 2nd Inter Dong Cricket Tournament yong ka chnong Wahiajer wa da pynman da ka Cricket Committee yong ka Wahiajer Sport Club, da sdang ka ynnin ka sngi deiwa wan wai ya ka da u C. Myria uwa man u waheh chnong ka chnong Nartiang, deiwa emlang u Secretary chnong ka Nartiang, u J. Symblai, chirup wa kiwa kitkaam ka Cricket Committee ka Wahiajer Sport Club.
Ya ka yalang wa tbian chwa u sdang ka yalehke da pynlai da u Heimonmi Dkhar uwa man leh u Chairman ka Cricket Committee deiwa emlang u Secretary ka Cricket Committee, u P. Lyngdoh.
Kani ka Inter Dong Cricket Tournament da wan chimbynta da waroh ki dong wa em hapoh ka chnong Wahiajer kiwa em 8 tylli wei ha ka sngi sdang da em ka Exhibition Match hapyrdi ka Mainroad SC Vrs Wahiajer XI heiwa ka Mainroad SC da jop ko da 1 Wicket ya ka Wahiajer XI.
Heijooh i por neiliang ka Cricket Committee yong ka Wahiajer Sport Club da e khublei ko ya ki khon khyllood ka chnong kiwa yoh u mihkhmat ya ka Meghalaya cha ka Under- 19 Women’s Cricket One Day Tournament kawa daw man ha Nagpur nadooh ka 13 tarik u December hadooh ka 23 tarik December.
Kam wow pynkynmoo wa ka Cricket hapoh ka chnong Wahiajer da sdang ko u ku ynnin u snem 2024 wei da em 2 ngt ki khynnah chynrang Under-16 wa chah jied u mihkhmat ya ka District cha ki Tournament wa da pynman da ka Meghalaya Cricket Association.
Discussion about this post