Maham ka JSU ya ka Northeast Frontier Railway hajrong i thmu leh Survey pynpoi luti rel cha Jowai

Hadien wa ka seiñ Jaiñtia Student’s Union (JSU) da yoo ko wa ka sorkar India da mynjur ko ha ka Budget 2024-2025 ka Northeast Frontier Railway wow leh Survey ya ar tylli ki luti rel neibynta u pynpoi cha Jowai, kawi ka Jowai-Khliehriat-Chandranathpur kawa 79 Km wei kawa ar won ka Chaparmukh-Jowai Line wa 180 Km. Neiliang ka seiñ da maham joor ko ya ka sokar wym toh u leh ko dei bor ya kani ka luti rel.

I daw wa ka JSU pyrchah ko ya ka Railway toh wa hadooh kattæ ym pu em ki aiñ wa tikna wow kdoh u khoom yei psiah ki baar jylla. Wei lada ka rel yoh ko u wan chapoh Ri Jaiñtia i maa man ko kawa da yang chwa ya ki loom ki wah wa yoosuk ka thaaiñ. Ong haroh ki kawi wa da yoo nongmuna ki toh hajrong i jia hapoh Them Metor wa Lum Survey ha Shillong.

Neitæ yoo haroh ki wa i em ka rel hapoh nongbah Delhi ha Assam ym em wanrah myntoi ko ya ka Meghalaya neibhah i dor ki tiar man ki kamjooh hi.

Related posts

Mynjur ka sorkar pyrdi wow pynyinsur sa 6 bnai yei man DGP ka Idashisha Nongrang

February 12, 2026

Beh kreh ka Assam BJP ya u Social Media Co-Convenor uwa booh yei Video wa mang siat Muslim u Himanta

February 12, 2026

Neiliang ka JSU da maham ko ya ka sorkar wym toh u leh bor ko yeiwa da pyrchah u paidbah kamjooh leh ka JSU da maham ko ya ka JHADC wym toh u pynemkaam bakla ko yei bor heiyatoh wa kani ka mat.

Ka JSU da kyrpaad ko ya ki waheh chnong, ki seiñbhalang wow ya krehlang wei wow pyrkhat boonsien hachwa wow e kyrchaan luti rel.