U Chief Minister ka Assam, u Himanta Biswa Sarma da pynsñiaw u yei sñiawsih wa yap ki phaw ngut kiwa khih mylla na Assam hadien wa noh ka Truck wa chong ki ha i synrang ha Chaglagam, Arunachal Pradesh.
Da ong u wa da yaklam u wa ki heh ka sorkar Arunachal Pradesh wow yarap smat ya kiwa chah ktah.
Kini kiwa khih mylla kiwa em 22 ngut toh kiwa na Tinsukia, Assam wei da noh ka Truck ki cha synrang heipor wa dang lai kreh ki.
Kani ka Truck da noh ko kamwa 200 Meter chapoh synrang wei man leh i thaw wa rben bha i khloo wa em ha ki loom ka Chaglagam wei da yaleh wow sai ya ki metyap da ki chipai ka Indian Army chirup wa ki pulit, NDRF, SDRF wa GREF.
Ini da jia i nadooh ka 8 tarik uni u bnai tangwa neidaw wa jngai bha ini i thaw na ki chnong ki thaw wei dajan poi leh wa u pood ka China, da tip yeini wa jia du ha ka 10 tarik hadien wa uwi na kiwa em ha kani ka Truck da ye u wow ku biang yow poi cha sarok heiwa da em wa yoo oo. Wei i thooh ya kini kiwa em chapoh synrang da sdang i ynnin ka sngi.
Neiliang u Prime Minister Modi leh da pynbna u yei yarap wa Rs. 2 lak cha kiwa ha-yung kiwa yap wei Rs. 50,000 cha kiwa mynsoo.
Discussion about this post