U bru wa chah kem ha kiwa chong chnong ka Khlachympa, Nongtalang uwa da kam toh uwa na Nigeria wei i pyrtuid u toh u Obayendro Stanley Oghenekevwe tangwa da pynartatien i ya ki pulit neidaw wym yatoh i dur ha ka kot wa rah u wa i dur yong oo wei hadien wa kylli takit da phla lut u.
Uni u bru ym em u leh wot ya ka Passport heiwa da rah u da ka Xerox Copy donhi wei kani leh ymtoh ka yong oo.
Hawa phla da ong u wa oo toh uwa na ka ri Ghana wei i pyrtuid u toh u William Addo Agyei wei chnong tre u toh na Accra.
Da wan u cha India yow phah sumaar heiwa da yoh u da ka Medical Visa ha u June 2025 kawa krehkaam du 3 bnai donhi, wei da yaleh u wow paan por chooh deiwa yaleh Visa Extension wei nyngkong ym em yoh jubab u na ka Foreigners Regional Registration Office (FRRO).
Hadien won da yoh jubab u lyngba ka email wow lai mih cha ka yung krehkaam ka FRRO næ cha ka Banaswadi Police Station Bengaluru, Karnataka tangwa rai pathan u wow mih napoh India deiwa psiah cha Bangladesh heiwa ha ini i por chah kem u ha kiwa chong chnong ka Nongtalang.
Dapoi u cha Nontalang deiwa em uwi u bru wa tip kam u Frank uwa yah luti oo.
Discussion about this post