Deiwa pynkhai im yei yakob kiñ lien, i ngam um wa ki de ha ka Tri Hills Ensemble Festival ha Darrang

Ka Umngot Traditional Boat Race deilang ka Tri Hills Ensemble Festival kawa ar sngi ha ka 12 wa 13 tarik uni u bnai dapoi noh ko cha wakut ha Darrang, West Jaiñtia Hills District kawa pynman da ka Department of Arts & Culture ka sorkar Meghalaya deilang ka Elaka Darrang heiwa da man ko kawa jop da ka thong wow pynkhai im biang ya ki yalehke tynre kam ka yakob kiñ lien deilang kiwi de ki jait yalehke wa da sdang wiar jiat.

Ha ka sngi nyngkong da sakhi yei wan poi ki lieñ tynre deilang ki bru paidbah deiwa emlang u Fredrick Roy Kharkongor, Principal Secretary, Arts & Culture Department wa u Meghan O’Regan, Head of Welsh Government, British Deputy High Commission.

Da pynchongchit ya kani ka sngi da ki rwai na ka Darilin Jovita Marsharing, ka Lamin Village Cultural Dance, ka Dalariti, ka Pynter Orchestra wa ki Summersalt.

Ha ka sngi wa ar da pynman ya ki yakob wa kynthup ya ka Traditional Boat Race, Swimming, Water Polo wa i Diving wei hadien da pynman yei e khusnaam cha kiwa jop deiwa emlang u Lahkmen Rymbui, Montri sorkar kam u kongsan.

U Lahkmen hawa e yei klam da ong u wa kani ka tamsa ymtoh du wow lehkmen ya ka dustur riti tangwa yow pynku yei kaam uiñke suwari, i kamai kajih ki paidbah wei wow yada ya ka wah Umngot.

Da kdaw u ya ki kaam pynbha wa da wanrah lyngba i yarap yong ka Asian Development Bank, i tipmit ya ka wah Umngot kam chibynta ka National Waterway–106, i pynchna ya u sarok kam u National Highway–206. Da klam u leh yei eh wow yoh yei thaw wow chna sarok wa kiwi de wei da kyrpaad u yei ya krehlang yong ki paidbah neibynta ki kaam pynroi kiwa neh chirup i yada ya ki um ki wah.

Kiwa jop ha ki yakob man ki kamni:

Umngot Traditional Boat Race

1st: Charli Ryngksai Team

2nd: Pohktai Team

3rd: Pahuh Team

Yimpa – Chynrang (Senior)

1st: Maldini Ryngksai

2nd: Rison Ryngksai

3rd: Torist Ryngksai