Ka NPYF 1-Nartiang Constituency da sdang ko ya ka chnat thymme hapoh yong ka kawa tip kam ka Young Women’s Wing.
Ha kani ka sngi da emlang kiwa yahkhmat ka Party wei ya kani ka Committee thymme ki khyllood da pynskem ya ka Chairperson wa ki Secretary.
Neiliang u Deputy CM, u Sniawbhalang Dhar hawa e yei klam da ong u wa kani man ko kam ka laad neibynta ki kynthai khyllood yow yoh ki wow embynta kammon yow pynbha pynmiat ya ka imlang sahlang.
Da ong chooh chooh u wa kani ka Young Women’s Wing u man ko leh chibynta yow e laad ya ki kynthai kammon wow em ki yei kitkhlieh kawa tip kam ka Women Empowerment.
Da yooluti u leh wa kani ka chnat wa thymme u kreh chitom ko hawa kammon u ye u pynyatoh wei kreh nadooh ha ki chnong kiwa khian hadooh ki chnong waheh, yooluti u leh hei yahkhmat wa pura kini ki khyllood daw ye u pyntyllung ya ki kaam ka Party hapoh ka Constituency waroh kawi.
Ki dkhot wa da pynskem man ki kamni:
Chairperson – Ka Amecia Pariat
Secretary – Ka Pretty Phawa
Vice Chairperson – Syllimon Challam
Assistant Secretary – Ka Sharmina Suting
Discussion about this post