Mynjur ka President ka ri ya ka aiñ thymme wow kylliang ya ka MGNREGA deiwa pynku cha 125 sngi ki sngi yoh kreh

Ka President ka ri India da e ko ya ka muhor yong ka wow pynman aiñ noh ya ka Viksit Bharat-Guarantee for Rozgar and Ajeevika Mission (Gramin) (VB-G RAM G) Bill, 2025 ynne ka sngi.

Hapoh kani ka aiñ daw pyntikna wa yoh kreh 125 sngi chi snem ki manyung wa em cha palatsor.

Kani ka Bill da yoh ko yei mynjur hapoh ka Parliament wei kani ka aiñ da kylliang noh ko ya ka Mahatma Gandhi National Rural Employment Guarantee Act (MGNREGA), 2005.

Hapoh kani ka aiñ da pynku na ka 100 sngi cha 125 sngi kam ki sngi wa yoh kreh ha ka chi snem heiwa ki dkhot ka yung wa dadap 18 snem wa em cha palatsor ye ki wow kreh mylla (Unskilled Manual Work).

Related posts

Pynman ka Nangbah Pohshnong Cultural Association da ka yabob yaphet neibynta ki khynnah

December 21, 2025

Da pynkut yei e sikai wa le bnai ya ki khynnah kynthai wow yada na kiwa chimkabu

December 21, 2025

Ki kyndon kani ka aiñ da ong ko wow su ya ka bai mylla man-ka-tayaaw næ hapoh 15 sngi nadooh wa pyndep yei kreh.

Ki jait kreh wa ye u leh hapoh kani ka aiñ toh kiwa yatoh wa ka umdih, ki jait kreh wa emkaam hapoh ka chnong, i pynskem ya ki jait kreh wa im-ja ki bru wei wow yada nei kylla i rukom man ka suiñbneiñ ha kani ka juk.

Kani ka aiñ u man ko kam ka Scheme ka sorkar pyrdi heiwa yei lut i sep man ko 60:40 hapyrdi ka sorkar pyrdi wa ka sorkar jylla tangwa ya ki jylla ka Northeast man ko 90:10 wei 100% won u kyrchaan ka sorkar pyrdi ya ki Union Territory ki wym em sorkar.