Ka Director General of Police (DGP) ka Meghalaya, ka Idashisha Nongrang u chong-ngiah noh ko ha ka 19 tarik uni u bnai hadien kamwa ar snem tam wa chong ya kani ka chuki.
Ya kani ka manbei u lehburom ya ka heipor 9:00 waje i step ka 19 tarik ha madan ka 1st MLP Battalion wa em ha Mawïong, Shillong.
Hawa kylli na u Deputy Chief Minister uwa pait ya ka chnat Home (Police), u Prestone Tynsong da ong u wa i thung DGP ymtoh i rai ka sorkar jylla tangwa toh iwa da leh katkam ka kyndon yong ka Union Public Service Commission (UPSC) wa ka Home Ministry ryngkat ki kyndon ka jylla.
U Prestone da ong u wa neidaw wa ka DGP u chong-ngiah noh ko, ka sorkar jylla da e kti ko ya ini i kaam yong ka ha u Additional DGP wa katni, u Anurag Agarwal uwa pyndep ya ka IPS ha u snem 1998 neibynta wow pynlai bait ya ki kaam hadooh wa thung DGP wa pura.
Ka Idashisha Nongrang da toh u chong-ngiah ko ha ka 11 tarik u February 2026 tangwa neiliang ka sorkar da pteiñ ko yei kaam yong ka sa 9 bnai.





Discussion about this post