Ka e sikai wa kyrpang ya ki khynnah kynthai wa em ha ki skur (3 Months Self-Defense Training for Girls Students), kawa tip deiwi iI kyntien kam ka Rani Laxshmi Bai Atma Prashikshan kawa da pynman da ka yung krehkaam ka District Mission Coordinator, SSA, West Jaiñtia Hills ha uni u bnai December da pynkut ya ka dei wa e kti ya ki Certificate cha waroh kiwa chimbynta.
Kani toh ka e sikai wa da yohlaad u pynman hapoh ki soo tylli ki skur wa kynthup ya ka Panaliar UPS SSA, ka Q.C. Springside Secondary School, ka Thadlaboh Presbyterian UPS wa ka R.C. Eve Mihmyntdu Secondary School.
Ya kani ka e sikai da pait da pynlai da ka West Jaintia Hills Karate Do Association (WJHKA), Jowai hei pait i yoo u Kevy Manbha War Passah, Instructor, u Ribeit O Pde, Instructor wa u Patsha Chyrmang Asst. Instructor.
Ka WJHKA dei ya krehlang ki bor pait bor pynlai yng ki skur kam ka dak wow pynkut ya kani ka e sikai ha uni u bnai da pynman ki ka yalang kyrpang ha man ki skur wei wow e kti ya ki Certificate cha waroh ki khynnah kiwa da pyndep tikna ya kani ka Self-Defense Training.
Napyrdi ki khynnah kynthai kiwa da pyndep ya kani ka chah sikai da chimbynta ki leh wow pynyoo næ Dmonstrate yei tip yong ki deiwa leh ya ki Exercise wa kiwi ki rukom heiyatoh kammon u yada ya idæ na ki bru wa thmu u chimkabu yei man kynthai watlot yong ki.
Neiliang ki Headteacher yiong kini ki skur kiwa da yoh ya kani ka laad ka kabu ksiar, dap ki dei sñiawngooh wa khroo ya ka yung krehkaam yong ka District Mission Coordinator, SSA West Jaiñtia Hills kamjooh ya ka West Jaintia Hills Karate Do Association wei kyrmen yooluti ki leh wa kani ka e sikai u nang pteiñ chooh ko ha ki por wow wan neibynta i myntoi ki khon kynthai khyllood wa em ha ki thaw puræ.
Discussion about this post