Jowai: Ka Synjuk Waheh Chnong Ri Jaiñtia hapoh i yah khmat u A. Lipon da lai yachem ki wa ki arngut ki Deputy Commissioner yong ka East wa West Jaiñtia Hills ha kini ki sngi wa da dep neibynta wow yaklam hajrong ka chongsuk chongsain, ka roi ka paar wa kiwi kiwi de ki emkaam ka ri-loom Jaiñtia.
Ka Synjuk da yachem ko ya u M.S. Lhuid, Deputy Commissioner ka East Jaiñtia Hills District wa ya u R. Rapthap, Deputy Commissioner ka West Jaiñtia Hills District heiwa ka Synjuk leh da e ki ya ka Memorandum cha kini ki ar ngut ki DC.
Ka Synjuk da pynsñiaw ko leh wa ka smat ko u krehlang wa ki bor District yow pait lang ya ki eh i khoo ki paidbah nadooh i yoh kaam, i puræ puthi wei wow thooh laad ya ki paidbah yow lait ki na i khang ka NGT wow tih mooyong, moochuni, chyiap wa kiwi kiwi ki mar pohkhyndaw. Kwah ki leh u pait wow sylli ya i wan psiah be-aiñ ki bar jylla chapoh ka jylla.
Ka Synjuk leh pyrchah joor ko hajrong i chah lehbeiñ ki khynnah kynthai. Ka Synjuk leh smat ko u yarap yow pynkrehkaam ya ka Scheme MGNREGA yow lait u mih iwon iwon i chim kabu ki bru samen kamjooh ki kam dai ration hapoh ki District.
Ka seiñ leh ka dawa ko wow wanrah biang ya i chong suk chong saiñ ki paaid Khasi Pnar kiwa chong cha Block 1 yow lait ki nei chah lehbeiñ ha ki nong Assam deiwa pynbait noh ya u pood u saam ha pyrdi ka Assam kamjooh leh waka Bangladesh.
Discussion about this post